ავეჯის მოხმარების წესები
ავეჯის მოხმარების სარეკომენდაციო წესები (კარადები, რბილი სამეულები, საწოლები)
თუ თქვენს ახალ ავეჯს მოფრთხილებით მოეპყრობით და გაითვალისწინებთ მოხმარების წესებს, მისი დაზიანების ალბათობაც არ იარსებებს. დაგვეთანხმებით ალბათ, რომ ავეჯის ზედაპირის მოფრთხილების შემთხვევაში, მას არ გაუჩნდება იმ რაოდენობის ჭუჭყი, ზეთოვანი თუ სხვა ტიპის ლაქები, რომ შემდგომში ის გაწმენდას საჭიროებდეს.
1. არ იხტუნაოთ ავეჯზე და არ ჩაეშვათ მოწყვეტით. არ ჩამოსხდეთ დივნის სახელურებზე ან საზურგეზე,რადგან ის არ არის გათვალისწინებული ზედმეტ წონაზე და გამოიყენება მხოლოდ ხელის ჩამოსადებად. არარეკომენდირებულია რბილი ავეჯის საზურგეზე ან მასზე ფეხით ზედ შედგომა, გაითვალისწინეთ, რომ დივანი არ არის კიბე, აღნიშნულმა ქმედებამ შესაძლოა გამოიწვიოს დაზიანება.
2. დაუშვებელია დივნის ან საწოლის გადაადგილება გაჩოჩებით ან მიწოლით, თუნდაც გლუვი ზედაპირის შემთხვევაში, რადგან აღნიშნულმა ქმედებამ შესაძლოა გამოიწვიოს საზურგის, გვერდების და ფეხების (საწოლის შემთხვევაში, ბატუტის და ფეხების) კონსტრუქციის დაზიანება/დეფორმაცია. თუ გსურთ ავეჯის გადაადგილება, მაშინ უნდა ასწიოთ ის ძირიდან (ფეხებიდან) და ისე გადააადგილოთ, საწოლი კი უნდა დაიშალოს, დაშლილ მდგომარეობაში გადატანილ იქნას და შემდგომ აეწყოს ახალ ადგილზე. რეკომენდირებულია, საწოლის საზურგე განათავსოთ კედელთან, წინააღმდეგ შემთხვევაში საწოლის ხანგრძლივი მოხმარების შემდეგ მისი მორყევა გარდაუვალია, ასევე დაუშვებელია საწოლის ბატუტზე ფეხით შედგომა, რადგან აღნიშნული ქმედება გამოიწვევს მის დაზიანებას. გადაადგილების შემთხვევაში დივანი უნდა ასწიოთ და მოაბრუნოთ ისე, რომ იყოს ვერტიკალურ პოზიციაში. არ გამოიყენოთ ფეხი ბერკეტად, რათა ფეხის მოტეხვა აიცილოთ თავიდან. თუ ავეჯი გადაადგილდება ზემოთ აღნიშნული წესების დარღვევით, ბუნებრივია, კომპანია ზემოთ ჩამოთვლილ დაზიანებებზე პასუხისმგებელი ვერ იქნება.
3. განათავსეთ ტყავის ავეჯი გამათბობლის და რადიატორისგან მინიმუმ 50 სმ-ის დაშორებით. ავეჯის მოთავსება ასევე არ არის რეკომენდირებული კედლის კუთხეებთან და კარებთან ახლოს, რადგან აღნიშნულმა შესაძლოა გამოიწვიოს მისი დაზიანება. დაიცავით თქვენი ავეჯი მჭრელი და უხეში საგნებისგან, (ტანსაცმელზე არსებულმა რკინის ღილებმა შესაძლოა გამოიწვიოს ზედაპირის დაზიანება). ტყავის ავეჯი მოარიდეთ მზის სხივების პირდაპირ და ძლიერ ნათებას, რადგან ეს გამოიწვევს ტყავის ზედაპირის გახუნებას/დაზიანებას. თუ თქვენი დივანი განიცდის მზის სხივების ინტენსიურ ზემოქმედებას, დაზიანების თავიდან ასაცილებლად აუცილებელია ფარდა-ჟალუზების გამოყენება. ზედაპირის გახუნება/გაცვეთა ბუნებრივი მოვლენაა ხანგრძლივი მოხმარების შემთხვევაში. მზის სხივებისგან, ტემპერატურის ცვლილებისგან და მოხმარებისგან გამოწვეული გახუნება, გაცრეცა არის ტყავის ბუნებრივი მახასიათებელი და არ მოიაზრება როგორც ქარხნული დეფექტი.
4. მოარიდეთ ტყავის ავეჯი ნესტიან ადგილებს. ტყავის ზედაპირის გაწმენდა აკრძალულია სველი, ნესტიანი ან გაწურული ნაჭრით, რადგან აღნიშნული ქმედება გამოიწვევს ზედაპირის დაზიანებას, დასკდომას და ფერის ცვლილებას. ტყავის ზედაპირი გაწმინდეთ მხოლოდ მშრალი, არაუხეში ნაჭრით, ტყავის სპეციალური საწმენდი საშუალებით. ნესტის და ტემპერატურის კონტროლი არის მნიშვნელოვანი ავეჯის ხარისხის ხანგრძლივი შენარჩუნებისთვის.
5. აცეტონს, თმის სპრეის და სუნამოს შეუძლიათ ადვილად დააზიანონ ტყავის ზედაპირი. არ განათავსოთ აღნიშნული ნივთები ავეჯზე და თავიდან აიცილეთ მათი მოხმარება აღნიშნულ ავეჯთან.
6. მოარიდეთ შინაური ცხოველები თქვენს ავეჯს, რადგან მათ შესაძლოა კლანჭებით დააზიანონ იგი.
ტყავის ავეჯის მოვლის რეკომენდაციები (სამეულები, საწოლები)
1. გაუფრთხილდით, რომ თითოეული ლაქა მოაცილოთ დელიკატურად და იმოქმედეთ დალაქავებიდან დაუყოვნებლივ. თუ საჭირო გახდება საწმენდი ნივთიერებების გამოყენება, პირდაპირ ლაქაზე ნუ გამოიყენებთ მას. დაასხით საწმენდი სუფთა ნაჭერზე და პირველ რიგში დატესტეთ დივნის იმ ადგილზე, რომელიც არ ჩანს, ნაჭერი გამოიყენეთ სიფრთხილით, გაწმინდეთ ერთი მიმართულებით. დაუშვებელია გაწმენდა წრიული ან ჯვარედინი მოძრაობით, რათა თავიდან აიცილოთ დაზიანება.
2. გაითვალისწინეთ, რომ გამოიყენოთ მხოლოდ და მხოლოდ ტყავის სპეციალური საწმენდი საშუალებები. არასოდეს გამოიყენოთ ძლიერი ქიმიური ნივთიერებების შემცველი სარეცხი საშუალებები. სასურველია ტყავის მოვლასთან დაკავშირებით რეკომენდაცია გაიაროთ ქიმწმენდასთან.
3. რეკომენდირებულია, კვირაში ერთხელ მტვრის ასაღებად გამოიყენოთ საშუალო სიმძლავრეზე დაყენებული მტვერსასრუტი, რათა თავიდან ავიცილოთ ჭუჭყის ტყავში დაგროვება, რაც შემდგომში იწვევს ალერგიას და ტყავის დაზიანებას. სამეულებზე რეკომენდირებულია ყოველკვირეულად საზურგე და საჯდომ ბალიშებს შეუცვალოთ მიმართულება.
4. თუ არ გაითვალისწინებთ ზემოთ ჩამთვლილ რჩევებს, ეს დროთა განმავლობაში გამოიწვევს ტყავის საფარის (ზედაპირის) დაზიანებას, ტყავი დაიწყებს სკდომას და შეიცვლის სტრუქტურას.
ქსოვილის (ნაჭრის) ავეჯის მოხმარების რეკომენდირებული წესები
თუ თქვენს ახალ ავეჯს მოფრთხილებით მოეპყრობით და გაითვალისწინებთ მოხმარების წესებს, მისი დაზიანების ალბათობაც არ იარსებებს. დაგვეთანხმებით ალბათ, რომ ავეჯის ზედაპირის მოფრთხილების შემთხვევაში, მას არ გაუჩნდება იმ რაოდენობის ჭუჭყი, ზეთოვანი თუ სხვა ტიპის ლაქები, რომ შემდგომში ის გაწმენდას საჭიროებდეს.
1. არ იხტუნაოთ ავეჯზე და არ ჩაეშვათ მოწყვეტით. არ ჩამოსხდეთ დივნის სახელურებზე ან საზურგეზე,რადგან ის არ არის გათვალისწინებული ზედმეტ წონაზე და გამოიყენება მხოლოდ ხელის ჩამოსადებად. არა რეკომენდირებულია რბილი ავეჯის საზურგეზე ან მასზე ფეხით ზედ შედგომა, გაითვალისწინეთ, რომ დივანი არ არის კიბე, აღნიშნულმა ქმედებამ შესაძლოა გამოიწვიოს დაზიანება.
2. დაუშვებელია დივნის ან საწოლის გადაადგილება გაჩოჩებით ან მიწოლით, თუნდაც გლუვი ზედაპირის შემთხვევაში, რადგან აღნიშნულმა ქმედებამ შესაძლოა გამოიწვიოს საზურგის, გვერდების და ფეხების (საწოლის შემთხვევაში, ბატუტის და ფეხების) კონსტრუქციის დაზიანება/დეფორმაცია. თუ გსურთ ავეჯის გადაადგილება, მაშინ უნდა ასწიოთ ის ძირიდან (ფეხებიდან) და ისე გადააადგილოთ, საწოლი კი უნდა დაიშალოს, დაშლილ მდგომარეობაში გადატანილ იქნას და შემდგომ აეწყოს ახალ ადგილზე. რეკომენდირებულია, საწოლის საზურგე განათავსოთ კედელთან, წინააღმდეგ შემთხვევაში საწოლის ხანგრძლივი მოხმარების შემდეგ მისი მორყევა გარდაუვალია, ასევე დაუშვებელია საწოლის ბატუტზე ფეხით შედგომა, რადგან აღნიშნული ქმედება გამოიწვევს მის დაზიანებას. გადაადგილების შემთხვევაში დივანი უნდა ასწიოთ და მოაბრუნოთ ისე, რომ იყოს ვერტიკალურ პოზიციაში. არ გამოიყენოთ ფეხი ბერკეტად, რათა ფეხის მოტეხვა აიცილოთ თავიდან. თუ ავეჯი გადაადგილდება ზემოთ აღნიშნული წესების დარღვევით, ბუნებრივია კომპანია ზემოთ ჩამოთვლილ დაზიანებებზე პასუხისმგებელი ვერ იქნება.
3. დაუშვებელია გასაშლელი დივანის გამოყენება, როგორც ყოველდღიური საწოლი, მისი დატვირთვა განისაზღვრება მაქსიმუმ 90-110კგ მდე.
4. განათავსეთ ნაჭრის ავეჯი გამათბობლის და რადიატორისგან მინიმუმ 50 სმ-ის დაშორებით. ავეჯის მოთავსება ასევე არ არის რეკომენდირებული კედლის კუთხეებთან და კარებთან ახლოს, რადგან აღნიშნულმა შესაძლოა გამოიწვიოს მისი დაზიანება. დაიცავით თქვენი ავეჯი მჭრელი და უხეში საგნებისგან, (ტანსაცმელზე არსებულმა რკინის ღილებმა შესაძლოა გამოიწვიოს ზედაპირის დაზიანება).ნაჭრის ავეჯი მოარიდეთ მზის სხივების პირდაპირ და ძლიერ ნათებას, რადგან ეს გამოიწვევს ქსოვილისზედაპირის გახუნებას/დაზიანებას. თუ თქვენი დივანი განიცდის მზის სხივების ინტენსიურ ზემოქმედებას, დაზიანების თავიდან ასაცილებლად აუცილებელია ფარდა-ჟალუზების გამოყენება. ზედაპირის გახუნება/გაცვეთა ბუნებრივი მოვლენაა ხანგრძლივი მოხმარების შემთხვევაში. მზის სხივებისგან, ტემპერატურის ცვლილებისგან და მოხმარებისგან გამოწვეული გახუნება, გაცრეცა არის ქსოვილის ბუნებრივი მახასიათებელი და არ მოიაზრება როგორც ქარხნული დეფექტი.
5. ნაჭრის ავეჯი მოარიდეთ ნესტიან ადგილებს. ქსოვილის ზედაპირის გაწმენდა აკრძალულია სველი, ნესტიანი ან გაწურული ნაჭრით, უხეში საგნით (ჯაგრისით), რადგან აღნიშნულმა ქმედებამ შესაძლოა გამოიწვიოს ზედაპირის დაზიანება, გაცვეთა და ფერის ცვლილება. ნესტის და ტემპერატურის კონტროლი არის მნიშვნელოვანი ავეჯის ხარისხის ხანგრძლივი შენარჩუნებისთვის.
6. აცეტონს, თმის სპრეის და სუნამოს შეუძლიათ ადვილად დააზიანონ ქსოვილის ზედაპირი. არ განათავსოთ აღნიშნული ნივთები ავეჯზე და თავიდან აიცილეთ მათი მოხმარება აღნიშნულ ავეჯთან.
7. მოარიდეთ შინაური ცხოველები თქვენს ავეჯს, რადგან მათ შესაძლოა მარტივად დააზიანონ იგი.
ნაჭრის (ქსოვილის) ავეჯის მოვლის რეკომენდაციები (სამეულები, საწოლები)
1. გაუფრთხილდით, რომ თითოეული ლაქა მოაცილოთ დელიკატურად და იმოქმედეთ დალაქავებიდან დაუყოვნებლივ. ქსოვილის ზედაპირი გაწმინდეთ მხოლოდ მშრალი, არაუხეში ნაჭრით, ქსოვილის სპეციალური საწმენდი საშუალებით. თუ საჭირო გახდება საწმენდი ნივთიერებების გამოყენება, პირდაპირ ლაქაზე ნუ გამოიყენებთ მას. დაასხით საწმენდი სუფთა ნაჭერზე და პირველ რიგში დატესტეთ დივნის იმ ადგილზე, რომელიც არ ჩანს, ნაჭერი გამოიყენეთ სიფრთხილით, გაწმინდეთ ერთი მიმართულებით. დაუშვებელია გაწმენდა წრიული ან ჯვარედინი მოძრაობით, რათა თავიდან აიცილოთ დაზიანება.
2. გაითვალისწინეთ, რომ გამოიყენოთ მხოლოდ და მხოლოდ ქსოვილის სპეციალური საწმენდი საშუალებები. არასოდეს გამოიყენოთ ძლიერი ქიმიური ნივთიერებების შემცველი სარეცხი საშუალებები. სასურველია ქსოვილის მოვლასთან დაკავშირებით რეკომენდაცია გაიაროთ ქიმწმენდასთან, ასევე თუ თქვენს ავეჯს ეხსნება ზედაპირი, რეკომენდირებულია იგი დასვრის ან დალაქავების შემთხვევაში წაიღოთ ქიმწმენდაში.
3. რეკომენდირებულია, კვირაში ერთხელ მტვრის ასაღებად გამოიყენოთ საშუალო სიმძლავრეზე დაყენებული მტვერსასრუტი, რათა თავიდან ავიცილოთ ჭუჭყის ქსოვილში დაგროვება, რაც შემდგომში იწვევს ალერგიას და ქსოვილის დაზიანებას. სამეულებზე რეკომენდირებულია ყოველკვირეულად საზურგე და საჯდომ ბალიშებს შეუცვალოთ მიმართულება. თუ თქვენი ავეჯის ბალიშების შიგთავსი შედგება ბატის ბუმბულისაგან, რეკომენდირებულია, პერიოდულად (სარჩულის გარეშე) მათი დაბერტყვა, გამზეურება.
4. თუ არ გაითვალისწინებთ ზემოთ ჩამთვლილ რჩევებს, ეს დროთა განმავლობაში გამოიწვევს ქსოვილისსაფარის (ზედაპირის) დაზიანებას, ქსოვილი დაიწყებს გახუნებას, გაცვეთას და შეიცვლის სტრუქტურას.
მატრასის მოვლის და მოხმარების რეკომენდირებული რჩევები
1. რეკომენდირებულია მატრასს ყოველ სამ თვეში შეუცვალოთ მიმართულება.
2. დაიცავით მატრასი სისველისა და ნესტისგან. მისი ზედაპირის გაწმენდა აკრძალულია სველი, ნესტიანი ან გაწურული ნაჭრით, რადგან აღნიშნულმა ქმედებამ შესაძლოა გამოიწვიოს ზედაპირის დაზიანება.
3. გაუფრთხილდით, რომ თითოეული ლაქა მოაცილოთ დელიკატურად და იმოქმედეთ დალაქავებიდან დაუყოვნებლივ. ქსოვილის ზედაპირი გაწმინდეთ მხოლოდ მშრალი, არაუხეში ნაჭრით, ქსოვილის სპეციალური საწმენდი საშუალებით. თუ საჭირო გახდება საწმენდი ნივთიერებების გამოყენება, პირდაპირ ლაქაზე ნუ გამოიყენებთ მას. დაასხით საწმენდი სუფთა ნაჭერზე და პირველ რიგში დატესტეთ მატრასის იმ ადგილზე, რომელიც არ ჩანს. გაითვალისწინეთ, რომ გამოიყენოთ მხოლოდ და მხოლოდ ქსოვილის სპეციალური საწმენდი საშუალებები. არასოდეს გამოიყენოთ ძლიერი ქიმიური ნივთიერებების შემცველი სარეცხი საშუალებები. სასურველია ქსოვილის მოვლასთან დაკავშირებით რეკომენდაცია გაიაროთ ქიმწმენდასთან.
4. რეკომენდირებულია, კვირაში ერთხელ მტვრის ასაღებად გამოიყენოთ საშუალო სიმძლავრეზე დაყენებული მტვერსასრუტი, რათა თავიდან ავიცილოთ ჭუჭყის ქსოვილში დაგროვება, რაც შემდგომში იწვევს ალერგიას და ქსოვილის დაზიანებას.
5. თუ არ გაითვალისწინებთ ზემოთ ჩამთვლილ რჩევებს, ეს დროთა განმავლობაში გამოიწვევს მატრასის და მისი ზედაპირის დაზიანებას, ქსოვილი დაიწყებს გახუნებას, გაცვეთას და შეიცვლის სტრუქტურას.
სკამის მოხმარების რეკომენდაციები და წესები
თუ თქვენს ახალ ავეჯს მოფრთხილებით მოეპყრობით და გაითვალისწინებთ მოხმარების წესებს, მისი დაზიანების ალბათობაც არ იარსებებს.
1. სკამი გამოიყენეთ მხოლოდ მიზნობრივად (დასაჯდომად). დაუშვებელია, სკამზე ჯდომისას მისი გადაწევა მხოლოდ წინა ან უკანა ორ ფეხზე, რადგან აღნიშნული ქმედება გამოიწვევს სკამის სიმძიმის ცენტრის დარღვევას, ფეხების დაზიანებას ან გადატეხას. არ დადგეთ ფეხით სკამზე ან მის საზურგეზე, გაითვალისწინეთ, რომ სკამი არ არის კიბე.
2. დაუშვებელია, სკამის შენახვა ზედმეტად ნესტიან ან მშრალ ადგილზე (სხვენი, სარდაფი).
3. სეზონურად, ტემპერატურის ცვლილებასთან ერთად, ხის ნებისმიერი პროდუქტი დაბალი კოეფიციენტით განიცდის ბუნებრივ გაფართოება-შეკუმშვას, ამიტომ დაუშვებელია, მისი სველი ან ნოტიო ნაჭრით წმენდა.
4. დაუშვებელია, სკამზე ჯდომისას მისი გაჩოჩებით გადაადგილება, რადგან აღნიშნული ქმედება დააზიანებს სკამის კონსტრუქციას. გაითვალისწინეთ, რომ სკამი უნდა აიწიოს და შემდეგ მოთავსდეს სხვა ადგილას.
საოფისე სკამები
1. არ მიაჯახოთ სკამი მაგარ საგნებს, რადგან ეს დააზიანებს სკამის ნაწილებს: ბორბლებს, ფეხებს და ა.შ. თუ გინდ ისინი იყოს ლითონის კონსტრუქციის.
2. არამიზნობრივად არ გამოიყენოთ ან არ მოღუნოთ სკამის მარეგულირებელი მექანიზმები.
3. გორგოლაჭებიანი სკამით გადაადგილება დასაშვებია მხოლოდ მაგიდის მიმართ, დაუშვებელია სკამით „კატაობა“.
4. საოფისე სკამი, რომელსაც აქვს საზურგის პოზიციის მარეგულირებელი მექანიზმი, გამოიყენეთ მიზნობრივად, იგი არ არის სარწეველა.
მაგიდის მოხმარების და მოვლის რეკომენდაციები და წესები
1. გამოიყენეთ ჭურჭლის სპეციალური დასაფენები, რათა დაიცვათ მაგიდა ზედმეტი ტემპერატურისგან (სიმხურვალისგან). მოერიდეთ მაგიდის (ავეჯის) ზედაპირზე ცხელი საგნების განთავსებას (ჩაიდანი, ლამბაქი და ა.შ.), რადგან აღნიშნული ქმედებით თქვენ დააზიანებთ ავეჯის ზედაპირს. მოერიდეთ მაგიდის ზედაპირზე მოთავსებას იმ ნივთებისა, რომლებიც გამოყოფს სითბოს, მაგალითად, კომპიუტერს, ელ. მოწყობილობებს შეუძლია ტემპერატურა აწიოს 20 გრადუსამდე, სპეციალური დაცვის გარეშე ამ ქმედებამ შესაძლოა, გამოიწვიოს მაგიდის ზედაპირის დაზიანება.
2. დაუშვებელია, მაგიდის გადაადგილება მის ზედაპირზე ხელის მოჭიდებით. გადაადგილების შემთხვევაში, ის უნდა დაიშალოს და თავიდან აიწყოს ახალ ადილზე. უკიდურეს შემთხვევაში კი რეკომენდირებულია, აიწიოს ძირიდან (ოთხივე ფეხით) და ისე გადაადგილდეს.
3. მაგიდის ზედაპირის დამაგრძელებელი ნაწილები შეინახეთ ჰორიზონტალურ მდგომარეობაში, ზედაპირით ზემოთ, დაცულ ადგილას, რათა თავიდან აიცილოთ ნაკაწრები და დაზიანება. არ შეინახოთ იგი ნესტიან ადგილზე (სხვენში ან სარდაფში). რეკომენდირებულია, ისინი მოათავსოთ რბილ ნაჭერში და ისე შეინახოთ.
4. არ გამოიყენოთ მაგიდის ზედაპირი, (ასევე მინის ზედაპირი) საჭრელ ზედაპირად. ბასრი და მძიმე საგნები მოარიდეთ მას.
5. დაუშვებელია საოფისე მაგიდის დაშლის გარეშე გადაადგილება. იგი აუცილებელია, დაიშალოს და შემდეგ ახლიდან აიწყოს სხვა ადგილზე. თუ მაგიდა გადაადგილდება შესაბამისი წესების დარღვევით, ბუნებრივია, კომპანია დაზიანებებზე პასუხისმგებელი ვერ იქნება.
კარადის (ტუმბოს) მოხმარების და მოვლის რეკომენდაციები და წესები
1. ხის პატარა ტუმბოების გადაადგილების შემთხვევაში, არ გააჩოჩოთ ისინი, რადგან ეს გამოიწვევს პანელების დარღვევას და სტრუქტურის შესუსტებას. ტუმბო უნდა გადაიხაროს უკან ან ირიბად და შემდეგ უნდა აიწიოს ძირიდან ოთხივე ფეხით. გამოიყენეთ საკმარისი ძალა ავეჯის გადასაადგილებლად. გადააადგილეთ ავეჯი ნელა და ფრთხილად. გადაადგილებისას კარებზე, კედელზე მისი დაჯახება გამოიწვევს ავეჯის დაზიანებას. ხოლო დიდი ზომის კარადის გადასაადგილებლად აუცილებელია, კარადა გადაადგილებამდე დაიშალოს და გადაადგილების შემდეგ აიწყოს ხელახლა. დაუშვებელია სხვა ფორმით კარადის გადაადგილება, რადგან აღნიშნული გამოიწვევს მისი კონსტრუქციის დაზიანებას. კარადის გაჩოჩების დროს ზიანდება კარკასი, კონსტრუქცია და ფეხები. თუ კარადა გადაადგილდება შესაბამისი წესების დარღვევით, ბუნებრივია, კომპანია დაზიანებებზე პასუხისმგებელი ვერ იქნება.
ავეჯის მოვლის რეკომენდაციები
1. განათავსეთ ავეჯი გამათბობლის და რადიატორისგან მინიმუმ 50 სმ-ის დაშორებით, მოარიდეთ ის მზის სხივების პირდაპირ და ძლიერ ნათებას, რადგან ეს გამოიწვევს ხის და ქსოვილის/ტყავის ზედაპირის გახუნებას/დაზიანებას.
2. მოარიდეთ ხის ავეჯი ნესტიან გარემო-პირობებს, (ზღვასთან სიახლოვეს ხის ავეჯის გამოყენება არ არის რეკომენდირებული).
3. აცეტონს, თმის სპრეის, სპირტიან სასმელებს და სუნამოს შეუძლიათ ადვილად დააზიანონ ავეჯის ზედაპირი. არ განათავსოთ აღნიშნული ნივთები ავეჯზე და თავიდან აიცილეთ მათი მოხმარება ავეჯთან.
4. გაუფრთხილდით, რომ თითოეული ლაქა მოაცილოთ დელიკატურად და იმოქმედეთ დალაქავებიდან დაუყოვნებლივ. ქსოვილის/ტყავის/ხის/მინის ზედაპირი გაწმინდეთ მხოლოდ მშრალი, რბილი ნაჭრით,ქსოვილის/ტყავის/ხის/მინის სპეციალური საწმენდი საშუალებით. თუ საჭირო გახდება საწმენდი ნივთიერებების გამოყენება, პირდაპირ ლაქაზე ნუ გამოიყენებთ მას. დაასხით საწმენდი სუფთა ნაჭერზე და პირველ რიგში დატესტეთ ავეჯის იმ ადგილზე, რომელიც არ ჩანს, ნაჭერი გამოიყენეთ სიფრთხილით, გაწმინდეთ ერთი მიმართულებით. დაუშვებელია, გაწმენდა წრიული ან ჯვარედინი მოძრაობით, რათა თავიდან აიცილოთ დაზიანება. 5. გაითვალისწინეთ, რომ გამოიყენოთ მხოლოდ და მხოლოდ ქსოვილის/ტყავის/ ხის/მინის სპეციალური საწმენდი საშუალებები. არასოდეს გამოიყენოთ ძლიერი ქიმიური ნივთიერებების შემცველი სარეცხი საშუალებები.
