ბოჰემური სტილი– როგორ მოვაწყოთ სახლი?

ბოჰემური სტილი (Bohemian Style/Boho Chic Style ) –ინტერიერის დიზაინის ერთ–ერთი პოპულარული მიმდინარეობაა.
როგორც თვითონ სახელწოდება გვამცნობს, ეს სტილი განკუთვნილია მათთვის, ვინც არ ემორჩილება გარკვეულ წესებს, არ უშინდება თამამ, უცაბედ გადაწყვეტილებებს, არ ექცევა ჩარჩოებში და არ ექვემდებარება შეზღუდვებს; სწორედ ასეთი თამამი პიროვნულ თვისებებს თუ ცხოვრების წესსს ასახავს ბოჰემური ინტერიერი...

ძირითადი მახასიათებლები:
თამამი, თვითმყოფადი ფერები: მდიდარი ფაქტურა, ნათელი ფერები, განსაკუთრებით წითელი და მელნისფერი ტონალობები;
ტექსტილი ყველგან: ბალიშები, ხალიჩები, პლედები.. კომბინირებული ფაქტურებით, პრინტებით, მკვეთრი ფერებით.
დეკორაციები: ბოჰემური ინტერიერი სავსეა დეკორაციებით. როგორც ავეჯში, ისე დეკორში უპირატესობა მაინც ეთნიკური სტილს, სამხრეთ–დასავლურ ან მომთაბარე ტომებისგან ინსპირირებულ დიზაინს ენიჭება.
გამოიყენეთ ხის მასალა/ფაქტურა, ტყავი,მეტალის აქცენტები.   
ინდივიდუალიზმი: გიყვართ ხატვა, აგროვებთ სხვადასხვა ნივეთებს, გაქვთ გამორჩეული კოლექციები? სწორედ ეს ნივთები შეგიძლიათ გამოიყენოთ ინტერიერის დეკორაციისთვის.
კომფორტი: თითოეული ფერი, აქსესუარი თუ ავეჯი თქვენთვის უნდა იყოს კომფორტული და ერთობლიობაში უნდა ქმნიდეს გარემოს, რომელშიც დროის გატარება გესიამოვნებათ.

მთავარი ამოცანაა გონივრულად შექმნათ „ქაოტური“ იერსახე, რომელიც მართლაც ქაოსში არ გარდაიქმნება.არ შეუშინდეთ თქვენი წარმოსახვის რეალობაში გადმოტანას.
ეს თქვენი სახლია, თქვენი წესები–მთავარია შექმნათ გარემო სადაც თავს ყველაზე კომფორტულად იგრძნობთ.
გაითვალისწინეთ, ბოჰემური სტილი არ გულისხმობს აუცილებლად კლასიკური ელემენტების შეტანას ინტერიერში. თანამედროვე დიზაინშიც შეგიძლიათ შექმნათ თქვენი ბოჰემურიგარემო.